Boo!

E aquí tedes unha pequena mostra da que foi unha tarde divertidísima: disfraces, magosto, contacontos, obradoiro de cabazas e sobre todo moitas ganas de compartir bos momentos coa familia e os amigos.

Samaín en Asociación Andaina

*Hai un pequeno erro no cartel, a celebración é domingo día 26.

Agardámosovos, seguro que o pasamos de medo!!!

Tamén na prensa de hoxe. 

Asociación Andaina asiste ás III xornadas de Por Dereito

Unha representación de Asociación Andaina asistiu onte ás xornadas que celebra anualmente a ASOCIACIÓN POR DEREITO, esta vez baixo o título “Pensando nos adultos e nos pequechos con TEA”.

A celebración de eventos como este axudan a visibilizar aos nosos fillos, axudan tamén a sensibilizar á poboación en xeral e significan unha oportunidade valiosísima para seguir aprendendo.

Quedámonos cunha palabra que presidiu as sesións da mañá:  a ETICA imprescindible para abordar con respeto os dereitos das persoas con discapacidade. A ética apoiase á súa vez na dignidade e na igualdade, dereitos fundamentais de TODAS as persoas.

Como reflexión do día despois deixamos esta afirmación que escoitamos onte “Se queres saber o que cree unha persoa non te fixes no que di, fíxate no que fai” e engadimos que a sociedade no seu conxunto comezando polas administracións públicas ten que dar ese paso e comprometéndose de verdade, facendo non só dicindo. 

Xornada de convivencia Andaina

Un ano máis compartimos un día ben fermoso. As imaxes falan.

Musicoterapia, remata o curso cunha clase conxunta para membros de Andaina.

Este xoves, como despedida das clases de musicoterapia, Andrea Navarrete,  a mestra musicoterapeuta, invítanos a tódolos socios e socias a participar nunha clase familiar, na que poderemos compartir cos alumnos que asisten habitualmente as suas experiencias.

Será o xoves 20 no auditorio da Xunqueira de 17:00 a 18:00. Haberá que asistir con roupa cómoda, prégase puntualidade.

Agradeceríamos que confirmedes a vosa asistencia e cantos membros participarán.

Un día no pazo

O sábado 21 de xullo celebraremos a nosa primeira xornada de convivencia no pazo de Pousadouro.

Animádevos a participar! É unha boa oportunidade para conocernos mellor, disfrutar dun día de verán xuntos nun pazo fermosísimo e compartir novas experiencias.