“El amor a los 20 años” gañadora

Esta é a curtametraxe gañadora da sección Andaina na décima edición do festival Redondela En Curto.

El amor a los 20 años, dirixida por Javier R. Espinosa e producida por Asombra Films, reflexa con nitidez o lugar que se lles da ás persoas con diversidade funcional na nosa sociedade.

Sofía é unha moza de 20 anos, que ten unha vida moi similar a outras persoas da súa idade pero condicionada polo feito de ter síndrome de down. Os seus desexos de relacionarse e vivir como unha máis vense limitados polos prexuízos das persoas neurotípicas.

Podedes consultar aquí a ficha técnica.

Queremos agradecer á organización do festival, especialmente ao seu director Fernando Carreira, o compromiso con Andaina para darlle visibilidade á discapacidade a través do bo cine.

Redondela en Curto coa diversidade funcional: compromiso activo do festival nacional de curtametraxes

E un ano máis na súa X edición o festival redondelá de curtametraxes de referencia no panorama nacional comprométese activamente coa nosa asociación e faille espazo á diversidade funcional.

A sección Andaina será o sábado 26 ás 16:45 . A presentación correrá a cargo de Loira Fernández, ouro e récord de España en 100 bolboreta, ouro e prata en 200 libres en competición Síndrome de Down.

Exposición de debuxo

Xa se pode visitar a exposición de debuxos do noso concurso escolar.

250 traballos de pequenos xenios que son un exemplo para todos nós pola súa forma de ver ás persoas con necesidades especiais.

Recoméndovos que vos acheguedes ata o Multiusos da Xunqueira, a partir de mañá xoves, e ata a semana que ven.

Tamén deixamos a ligazón ao cartel de Redondela en Curto con horarios dos pases, nos que está incluida a sección Andaina, na que se proxectaran curtametraxes cuxo tema principal son as necesidades especiais.

Premio Andaina Redondela a obras audiovisuais

Os da Asociación Andaina Redondela estamos de estrea.  Comezamos a difusión das bases do Premio Andaina Redondela a obras audiovisuais, que semella ser o primeiro certame nacional de curtametraxes, dirixido ao ámbito escolar e adicado á discapacidade, mais sobre todo á integración, á concienciación e á sensibilización sobre a realidade que viven as persoas afectadas e as súas familias, cuns problemas e cunha loita que queremos facer ben visibles.

Diriximos este premio ao ensino secundario de todo o estado, queremos movilizar xa mesmo as conciencias dos que van ser os tendeiros, os xuíces, os lexisladores, os educadores e os médicos, os que terán na súa man facer da nosa sociedade un lugar onde a atención á diversidade sexa unha prioridade básica.

O noso premio vai integrado no certame Redondela en curto, o prestixioso festival que este ano cumpre xa a súa 9ª edición.  Non temos máis que palabras de agradecemento para Fernando Carreira, o director do festival, que acolleu a nosa proposta de colaboración como súa propia. Aquí tedes as bases en galego e en castelán, o prazo remata o 30 de marzo.  Ánimo!

 AVISO IMPORTANTE:  Prazo prorrogado ata o 20 de abril